新詩：無痕的緣（台語詩）
（周明 提供）
豬仔哭聲是一種悲哀
月娘偷偷滴著目屎
有人走揣金錢
有人走揣官位
真少人關心眾人的代誌
我用精光的感動
掀開雺霧的社會
路燈點著時間的過去佮現在
流水毋知寒熱
只知影寫著一工過一工的悲喜
飛鳥佮水魚圖謀的方向
無必然關係
十字路口是走徙的關鍵
飄過眼前的風風雨雨
一屑一滴落入牽連的緣分池
看時局。知時勢
轉換一道一道的彩虹
牚起萬千个面腔，排排坐
肅談緣分的類別
像河溪。對話入海口的夕影
想起血脈來去
糾結若像起皺水泱
無痕
註解：
走揣：到處尋找。
代誌：事情。
精光：仔細；精明。
雺霧：霧（空氣中接近地面的水蒸氣）。
毋知：不知。
圖謀：策劃。
面腔：臉色。
水泱：漣漪。 @
責任編輯：林芳宇
相關文章